2022ko Txotx denboraldiaren irekiera

Itzuli da txotx garaia IRUIN Sagardotegira!

Azkenean heldu da txotx denboraldi berria IRUIN Sagardotegian zabaltzeko ordua! Aldi berean, txotx egiteko aukeraz gain, urteko lehen sagardoaz eta menu goxoaz gozatzeko aukera izango duzue.

Txotxaren irekiera itzuli da, 2021eko denboraldia martxora arte atzeratu eta gero, izan ere, trantsizio momentu batean kokatzen gara oraingo honetan.

Denboraldi honetako euskal uztak 9 milioi litro sagardo baino gehiago ekarri ditu. Euskal Sagardoak jatorriz 3,5 milioi litro sagardo ekoizteaz gain, guztira 5 milioi kilo sagar ekoitzi ditu.

Laster ohitura zaharrak berreskuratzea espero dugu. Gaur egun bizitzen ari garen egoera konpontzen den bitartean, mahaikideetako bat bakarrik joan ahal izango da kupeletara txotx egitera, betiere botila bat betetzera. Gutxienez urtarrilaren 28ra arte, Eusko Jaurlaritzaren azken dekretua indarraldian dagoela, aurreko denboraldiko protokoloaren antzekoa izaten jarraituko dugu. Pixkanaka, egoera berrietara egokitzen joango gara, dekretu eta araudi berriak aldatu ahala.

Denboraldi honetan zuentzat guztiz berriak diren sei sagardo kupel ditugu. Gure bakailaoa piperradarekin edo ajoarrieroarekin, bakailao tortilla mamitsua eta 4 urtetik gorako behi zahar txuleta zoragarriak zerbitzatzeko irrikan gaude oraingo honetan ere.

Hurbildu IRUIN Sagardotegira plan bikainaz gozatzera!